Kabsa Rice

කාලෙකින් කෑමක් හදන හැටි ලියන්නයි යන්නෙ. ඒක බත් එකක්.අරාබි කෑමක් විදිහටයි අදුන්වනේ. ඒක් නම "කබ්සා" . අපෙ අක්කා මුලින්ම මේක හදලා අපිටත් කිව්ව හදල බලන්න කියලා.ඉතින් අපි රෑට කන්නෙ මොනවද කියල හිත හිත ඉද්දි අම්මා කිව්වා හදල බලමු කියලා. මෙන්න මේව තමයි ඕන අමුද්‍රවය ටික.

අමුද්‍රවය.

භාස්මතී හාල්
කැරට් අල දෙකක්
ලූනු ලොකු ගෙඩියක්.
තක්කාලි ගෙඩි දෙකක් කොටු කපාගන්න
කපාගත් සුදු ලූනු කිහිපයක්
කුරුදු පොඩි කෑලි දෙකක් විතර , කරාබු නැටි දෙක තුනක් , එනසාල් දෙකක් .
තුනපහ
මිරිස් කුඩු
ගම්මිරිස් කුඩු
වියලි මිදි
චිකන්( චිකන් සාමාන්යෙන් ලොකු කෑලි වලට කපාගන්න පුලුවන් නම් හොදයි.ඒත් අපි ගත්තෙ පොඩියට කපල තිබ්බ ඒව)

වැඩේ පටන් ගන්න කලින් චිකන් ටිකට ලුනු ,ගම්මිරිස් ටිකක් දාලා මැරිනේට් වෙන්න තියාගන්න. ඒ අතර බත් එකට ඕන කරන දේවල් ලේස්ති කරගන්න පුලුවන්. මුලින්ම ලූනු ගෙඩිය තීරු විදිහට කපාගන්න බදින්න පුලුවන් වෙන්න.ඊට පස්සෙ කැරට් ටිකක් ලොකු ප්‍රමාන වලට කපාගන්න.අගල් දෙක් වගේ දිගට ,සෙන්ටිමීටර් එකක් වගේ පලලට. මේ උඩ ෆොටෝ එකෙ තියෙනව වගේ. බිත්තර ඔයාලට කැමති ප්‍රමානයක් අරන් තම්බගන්න ,ඒක ඕන වෙන්නෙ බත් එක ලස්සන කරගන.තව ඉතින් ගස් කජු තියෙනව නම් ඒකත් ගන්න බත් එකට දාන්න. මේ වෙද්දි චිකන් එක මැරිනේට් වෙලා ඇති වගේ නම් අපි චිකන් එක හදන්න ගමු. ඔයාලට එක හදන භාජනේම බත් එක උයාගන්න පුලුවන් නම් තව හොදයි.අපිට් භාජන නැති නිසා අපි රයිස් කුකර් එකේ තමා බත් එකනම් හැදුවේ. හරි මුල්න්ම භාජනේකට තෙල් ටිකක් දාලා තෙල් එක රත් වෙද්දි ඒකට ලූනු ටික දාගන්න.දාලා එක රන්වන් පාට වෙද්දි ඒකට සුදුලූනු දාන්න.දාල විනාඩියක් වගේ බැදෙන්න ඇරලා ඒකට දාගන්න චිකන් ටික.ඊට පස්සෙ චිකන් එක හොදට කවලම් කරන්න ලූනු එක්ක ,තෙල් ටික හොද ගෑවෙන්න.ඒ අතර ඒකට කුරුදු,කරාබුනැටි,එනසාල් තුනපහ ,මිරිස් කුඩු ,ගම්මිරිස් ඔක්කොම දාලා හොදට කවලම් කරන්න. මිරිස් කුඩු වැඩි උනාට කමක් නෑ මේකට වෙන එලවලුවක් හදන්නෙ නැති නිසා. මේව හොදට කවලම් කරාට පස්සේ ඒකට අර තක්කාලි ටික දාල ඒ ටිකත් කවලම් කරන්න.ඊට පස්සෙ තක්කාලි ටික ටිකක් දියවෙනකන් වගේ වහල තියන්න. ඊට පස්සෙ ඒකට වතුර කෝප්ප හතරක් දාන්න. දැන් චිකන් ටික හොදට තැම්බෙනකන් වහල තියාගන්න.ඒ අතර හාල් ටික හෝදල කරල ගන්න. අපි ලේස්ති කරග්ත්තු කැරට් මිදි එහෙම දාන්නෙ හාල් එකටමයි. දැන් චිකන් තැම්බිලානම් පරිස්සමට චිකන් කෑලි ටික විතරක් වෙන් කරල එලියට ගන්න.අපි බත් එකට වෙනම වතුර තියන් නෑ.අර චිකන් ස්ටොක් එකමයි ගන්නෙ.දැන් බත් එකට චිකන් ස්ටොක් එක අවශ්‍ය ප්‍රමානෙට දාලා ඒකටම කැරට් ටිකයි ,මිදි ටිකයි දාගන්න. බත් ඇට ඇලෙයි කියල හිතෙනවනම් ඇස්ට්‍රා ටිකක් දාගන්න. ඊට පස්සෙ බත් එක රයිස් කුකර් එකේ තියල හදාගන්න. චිකන් ටික නිවිලනම් තෙල් එකක් රත් කරලා චිකන් ටික ලාවට බැදගන්න පොඩ්ඩක් දුබුරු පාට වෙනකන්. දැන් ඉතින් බත් එකට් ලේස්ති නම් කෑම එක ලෑස්තියි. ඔයා කැමති විදිහට ඩෙකරේට් කරලා මේසෙට පිලිගන්වන්න පුලුවන්.චිකන් ටික තියන්නෙ බත් එක උඩින්. දැන් කෑම ලෑස්තියි...