මානසික සෞඛ්‍යය කියන්නෙ බොහොම බරපතල මාතෘකාවක්. මේ ළඟදි අපිට සිද්ධ වුණා සිය දිවි නසාගැනීම් ගොඩාක් එක දිගට දරාගන්න. උගත් ලස්සන, සමහර විට ආකර්ශනීය කෙනෙක් නැති වුණාම ඒක කතා බහට ලක්වෙනවා වැඩී. ඒක තමයි මේ ලෝකෙ හැටි. ඒක එහෙම වුණත් හැම ජීවිතයක්ම අමිලයි. හැම ජීවිතයක්ම!
ක්ලිනිකල් ප්‍රැක්ටිසස් වලදි සූසයිඩ් ඇටෙම්ප්ට්ස් ගොඩාක් තියෙන මිනිස්සු කියන දේවල් මම අහලා තියෙනවා.ඩිප්‍රෙශන් වෙන්න පුලුවන්, හැබැයි ඩිප්‍රෙශන් නෙමෙයි එකම හේතුව සිය දිවි නසාගන්න. ඒකට ඩිප්‍රෙශන් හැරුණහම ගොඩාක් හේතු තියෙන්න පුලුවන්.
කෙනෙක්ට මානසික සෞඛ්‍ය නැති වෙනවා කියන්නේ ඒ කෙනා පුදුමාකාර වේදනාවක් අයිති කරගන්නවා කියන එක!
ඒ වේදනාවට හරි තීරණ ගන්න බැරිව යනවා. පැටලෙනවා. තමන්ගෙ ලෝකෙ ගොඩාක් පටු වෙලා අඳුරු වෙනවා. ඒ අඳුරෙන් ගැලවෙන්න තමයි මිනිස්සු ජීවිතේ අත් හරින්න හිතන්නෙ. හැබැයි මරණෙන් පස්සෙ ඒක ලැබෙනවද කියන එක හිතුවම ඒකට උත්තරෙත් නෑ.
ඒ හින්දා ඒ මරණ උත්කර්ශයට නගන්න අපිට බෑ. ඒ මරණ වලින් වේදනාවට පත් වෙන ජීවත් වෙන මිනිස්සුන්ගෙ වේදනාව බල බල එහෙම ලියන්නත් බෑ. මං මේක ලිව්වෙ සිය දිවි නසාගන්න හිතන කෙනෙක්ගෙ ජීවිතේ ගැන ජීවත් වෙලා ඉන්න මිනිස්සුන්ට දැනෙන්න! ඒක වළක්වගන්න. මැරෙන්න ඕනෙ කියලා කියන නැත්නම් අමුතුවට හැසිරෙන ඔයාගෙ ළඟ ඉන්න යාලුවට ඒ ජීවිතේ දැනෙන්නෙ කොහොමද කියලා ඔයාලට කියන්න. ඒක දැනගෙන පුලුවන් නම් එයාලට උදව් කරන්න කියන්න.
එහෙම නැත්නම් සියදිවි නසාගන්න එක් තමයි මේ ලොකෙ තියෙන අසාධරණම, ආත්මාර්ථකාමීම, මෝඩම තීරණේ!
හොඳටෝම මහන්සියි සීතලයි..
ඒකාන්තෙටම ඇති
අඳුරු ගං පතුලක
කිසිත් නොඅසාම සිදුවන
උණුහුම්ම පිළිගැනීමක්!
එයින් පසු නිම වේවි
අඳුරු සීතල හිස් දවස්!
"ආ මෙන්න අරගන්න"!
පොරෝනාවක් වත් දිගු නොවුණ!
තනියෙන්ම ගොස්
මහා අයිස් කඳුවල හැප්පුණ
අනේ මාව නිදි කුමාරයෙක් වෙන්න
හැම රෑකම මතුරපු!
හැමතැනම ආදරේ පෙනුණත්
ඇබින්දක් වත් නොදැණුන!
දැන් ඉතින් සදහටම නිමවේවි
අඳුරු සීතල ඒ දවස්!
ඇත්තටම ඔබ එහෙම හිතන් ඇති!
ඒත්..
සැනසුමක් සොයලාම
වෙහෙස වුණ ඔයාව
ආදරෙන් වැළඳ ගෙන
සීතලම මල සිරුර
ගඟ අපිට දුන්නාම
අපි හිතුවෙ එහෙම නෙමෙයි!
අඳුරු ගං පතුළක උණුහුම?
මෝඩයිද එච්චරටම?
ආදරේ ඇබින්දක් වත්?
ඇත්තමද ඔය කියන්නෙ?
එච්චරට නපුරුයිද පාලුයිද
තනියෙන්ම ගෙව්ව ඒ දවස්?
අන්තිමටම වත් හිතුණෙ නැද්ද
විසි වුණේ කඳුලු බව?
"අයිතියක් නෑ ඔහොම අහන්න මගෙන්"!
අන්තිමට ඔබ එහෙම
කෑගහලා කියන් ඇති!
කිසිත් වරදක් නොකළ
අහිංසක ගං පතුළ
තනියෙන්ම අඬ අඬා
හයියෙන්ම ගලන් ඇති!
meka kiyawaddi mathak une gampaha nathi una aiyawa😶
Downvoting a post can decrease pending rewards and make it less visible. Common reasons:
Submit
🥺❤
Downvoting a post can decrease pending rewards and make it less visible. Common reasons:
Submit
ඒකනම් හිතටම වැදුන. ඒක ලියද්දිත් පොඩි අවේගයකින් ද ලිව්වෙ.? මට එහෙම දැනුන. කොහොම උනත් ඩිප්‍රෙශන් කියන එක දැන් ගොඩක් අයට තියෙන දෙයක්. 😐
Downvoting a post can decrease pending rewards and make it less visible. Common reasons:
Submit
අනේ නෑ නෑ. ආවේගයකින් ලිව්ව එකක් නෙමෙයි ඒක.
😊❤
Downvoting a post can decrease pending rewards and make it less visible. Common reasons:
Submit
ඒ උනාට කියවද්දි මට එහෙම හිතුනා.
Downvoting a post can decrease pending rewards and make it less visible. Common reasons:
Submit