တရားအားထုတ်နည်း

" မပင်ပန်း ဘဲ တရားအားထုတ်နည်း"
•••••••••••••••••••••••••
အခုမှစပြီး တရားစတင်အားထုတ်နေကြတဲ့ ဓမ္မမိတ်ဆွေတို့ အတွက် အဓိကထားပြီး မိမိတို့ ရဲ့ အခု လက်ရှိ တရားအားထုတ်နေမှုကို အထောက်ကူဖြစ်စေဖို့ မပင်ပန်းဘူး လို့ ထင်ရတဲ့ တရားရှုမှတ်နည်း၊ တရားထိုင်နည်း လေးကို ရေးသားဖေါ်ပြပါရစေ။
မိမိတို့ နဲ့ နီးစပ်ရာ ဆွေမျိုး၊ မိတ်ဆွေ၊ သူငယ်ချင်းတွေ က ဝါတွင်းမှာ ဥပုဒ် ၊ သီလစောင့်တည်တာတွေ၊ တရားအားထုတ်လာကြတာ၊ လုပ်နေတာတွေ တွေ့ လို အားကျပြီး မိမိကလည်း တရားအားထုတ်ချင်စိတ်တွေ ပေါ်လာလို့ အားထုတ်တာပဲ ဖြစ်ဖြစ်၊ မိမိဖာသာ သံဝေဂတွေ ဖြစ်ပြီး ခုမှ တရားစတင်အားထုတ်ချင်လာလို့ တရားစထိုင်တာပဲ ဖြစ်ဖြစ်၊ တစ်စုံတစ်ယောက်က စေခိုင်း လို့ တရားအားထုတ်တာပဲ ဖြစ်ဖြစ်၊ ဘယ်လိုနည်း နဲ့ မဆို တရားအားထုတ်လာဖြစ်ပြီဆိုရင်ပဲ လူဖြစ်ရတဲ့ဘဝ မှာ အတော်ကို ဟန်ကျနေလောက်ပါပြီ။ဓမ္မမိတ်ဆွေတို့ ကို ဘယ်လို အခက်ခဲကြောင့်ပဲဖြစ်ဖြစ် နောက်ဆုတ်မသွား ဖို့ အရင်ဆုံးတိုက်တွန်းချင်ပါတယ်။
မဟာစည်ဆရာတော် ဘုရားကြီးရဲ့  သြဝါဒတစ်ခု မှာ ဆရာတော်ကြီးက ဘယ်လို ဆုံးမတော် မူသလဲ ဆိုရင်....
" ရွှေ ငွေ စိန် ကျောက် အစရှိတဲ့
အဖိုးတန် ရတနာတွေကို
သာမန် လူတွေက မသုံးရဘဲ၊
ဘုန်းကံ ရှိတဲ့ လူတွေသာ သုံးရသလိုပါပဲ၊
အပါယ်လေးပါးက
လွတ်မြောက်စေနိုင်တဲ့...
တရား ဆိုတာလည်း
သာမန်လူတွေက လက်မခံနိုင်ပါဘူး၊
ပါရမီထူး ရှိတဲ့ လူတွေသာ
လက်ခံနိုင်ပါတယ်" တဲ့။
အဲဒီ အဆုံးမ လိုပါပဲ၊ တရားအားထုတ်မှု ပြုတယ်ဆိုတာ၊ ဘယ်ပုံဘယ်နည်းနဲ့ တရားအားထုတ်ထုတ်၊ အဲဒီ ပုဂ္ဂိုလ်ရဲ့ အတွင်းသဏ္ဌာန်မှာ သူတော်ကောင်းတရားလက်ကိုင်ထားတဲ့ ဓာတ်ခံတွေက ရှိနေတဲ့အတွက်ကြောင့်သာ တရားအားထုတ်ဖြစ်ရတာပါလို့ ပဲ ဆိုပါရစေ။
အခုလို အခက်အခဲအမျိုးမျိုးကြားက တကုတက တရားအားထုတ်ကြရတဲ့ အတွက်ကြောင့် ပင်ပန်းလိုက်တာဆိုပြီး နောက်ဆုတ်သွားမှာစိုးလို့ အသိပေးရေးသားဖေါ်ပြ ကုသိုလ်ပြုလိုက်ရခြင်း ဖြစ်ပါတယ်။
လောကမှာ အကောင်း၊ အဆိုး ဟာ ဒွန်တွဲနေတဲ့ အတွက်၊ ကောင်းတာဆိုရင် ကြိုက်နှစ်သက်ကြသလို၊ ဆိုးတာဆိုရင် မကြိုက်ကြပါဘူး။ ပြီးတော့ တရားတာ နဲ့ မတရားတာ လည်း ထို့ အတူပါပဲ။
ဓမ္မမိတ်ဆွေတို့ လည်း တရားတာ နဲ့ မတရားတာ ကို ဘယ်ဟာနှစ်သက်သလဲ ဆိုတာ မေးစရာလိုမယ်လို့ မထင်ပါဘူး။
ဒါကြောင့် တရားတာ ကိုပဲ လုပ်ချင်ကြတယ်၊ မတရားတာဆိုရင် ရှောင်ကျဉ်ကြတာ များပါတယ်။
ယေဘုယျအားဖြင့် တရား အလုပ်ကို အားထုတ်တဲ့ အတွက် ချမ်းသာပါတယ်။တရား တာကို လုပ်တယ် ဆိုတာ တကယ်တော့ မပင်ပန်းပါဘူး။
ဓမ္မမိတ်ဆွေတို့ အနေနဲ့ အရင်ဆုံး စမ်းစစ်ကြည့်သင့်တာက...
တရားအားထုတ်တဲ့အခါ မှာ ကိုယ်ရှုလိုတဲ့ အာရုံ ကို "လိုက်ကြည့်နေတာလား၊ စောင့်ကြည့်နေတာလား" ဆိုတာ ကွဲကွဲပြားပြားသိဖို့ လိုပါလိမ့်မယ်လို့ ဆိုပါရစေ။
မိမိတို့ ရဲ့ ကမ္မဌာန်းဆရာက ရှုခိုင်းတဲ့အာရုံပဲဖြစ်ဖြစ်၊ ကိုယ်ရှုချင်တဲ့ အာရုံ ကို ပဲဖြစ်ဖြစ် လိုက်ကြည့်နေတယ် ဆိုရင်တော့ ဓမ္မမိတ်ဆွေတို့ လောဘ ပဲ ဖြစ်နေကြမှာပါ။ အစပိုင်း ကြည့်နိုင်၊ရှုနိုင်အား တင်းထားမှု ရှိတုန်းတော့ ရှုလို့ ရသလိုလို၊ ဟုတ်သလိုလို လို့ ထင်ရပေမဲ့ တဖြည်းဖြည်း နဲ့ ကြာလာတဲ့ အခါမှာ လောဘ ရဲ့ ဆိုးကျိုးတွေ အနေနဲ့ မောသလိုလို၊ ပမ်းသလိုလို၊ အသက်ရှုကြပ်သလိုလို ဖြစ်လာတာတွေ နဲ့ ကြုံပြီး မတရား အားထုတ်သလို ဖြစ်လာကြပါတယ်။
တရား ကို စပြီး အားထုတ်ပြီ ဆိုတာနဲ့ လိုက်ကြည့်နေတာမျိုးမဟုတ်ဘဲ။ စောင့်ကြည့်ရတဲ့အလုပ်ကို လုပ်ရမှာ ဖြစ်ပါတယ်။စောင့်ကြည့်တယ်ဆိုတာ မပင်ပန်းပါဘူး။
ဘောလုံးပွဲ ဝါသနာပါတဲ့ ဓမ္မမိတ်ဆွေတို့ ဆိုရင် ခုလိုရှင်းပြရင်တော့ သဘောပေါက်ကြမှာပါ။
ဥပမာ
ဘောလုံးပွဲ တစ်ပွဲကို ကြည့်နေသလိုပါပဲ။ ကိုယ်က အေးအေးဆေးဆေး နဲ့ စောင့်ကြည့်နေမယ်ဆိုလို့ ရှိရင် နှစ်ဖက်ဘောလုံးသမားတွေရဲ့ ကစားကွက်တွေ၊ ကစားနည်းတွေ ကို နားလည်သဘောပေါက်နိုင်ပါတယ်။ ဒီလို မှ မဟုတ်ပဲနဲ့ ကိုယ်ကြိုက်တဲ့အသင်း ကို ကိုယ့်လူတွေပဲ ဆိုပြီး နိုင်စေချင်တဲ့လောဘ နဲ့ လိုက်ကြည့်နေပြီး အခြားအသင်းကိုလည်း ရှုံးစေချင်အောင် ဆိုတဲ့ စိတ်တွေနဲ့ ထိုင်ရတော့မလို၊ ထရတော့မလို ဆိုတဲ့ စိတ်တွေနဲ့ သာဆိုရင်တော့ ဓမ္မမိတ်ဆွေတို့ ကစားကွက်တွေ မမြင်တော့ပဲနဲ့ ကိုယ်လည်းပင်ပန်း၊ စိတ်လည်းပင်ပန်းဖြစ်ကြတော့မှာပါ။
တကယ်တန်းကျတော့..တရားအာရုံကို သတိနဲ့ သာ အေးအေးဆေးဆေးစောင့်ကြည့်ပါ။ သက်တောင့်သက်သာနေနိုင်ပါတယ်၊ မပင်ပန်းပါဘူး။ မတရား အားထုတ်မှသာ ပင်ပန်းတာပါ။
သတိ နဲ့ စောင့်ကြည့်နေလို့ အေးအေးဆေးဆေးချမ်းသာမှုကို ရလာပြီ ဆိုပေမယ့်လည်း ဉာဏ် မပါသေးရင်တော့ အာရုံ ရဲ့ သဘောကို ကွဲကွဲပြားပြားမသိနိုင်ပါဘူး။
တရားအားထုတ်တာကြာလာတော့ တစ်ခါတစ်လေ မှာ ခန္ဓာကိုယ်ကြီးဟာ ငြိမ့်ကနဲ့ ၊ သိမ့်ကနဲ လှုပ်လှုပ်..လှုပ်လှုပ် ဖြစ်ပြီး မှိန်းလိုက်နေတတ်ပါတယ်။အဲဒီလိုဖြစ်တာလည်း အမှားမို့ သတိထားစေချင်ပါတယ်။
ဝိပဿနာ ဆိုတာ ဉာဏ်အလုပ်ဖြစ်ပါတယ်။ ဖြစ်တိုင်း ဖြစ်တိုင်း သိတယ် ဆိုတာ ဉာဏ် ကြောင့် ဖြစ်ပါတယ်။တစ်ကယ်တော့ ဖြစ်တိုင်းသိဖို့  ဒီသိတဲ့ဉာဏ်ပေါ်လာဖို့ ဆိုတာက လေးငါးနာရီ တောက်လျှောက်ထိုင်ပြီး မထပဲ အားထုတ်လို့ လဲ မရနိုင်ပါဘူး။ တစ်ရက်၊ တစ်ပတ်၊ တစ်လ၊ တစ်နှစ် အားထုတ်လည်း လွယ်လွယ်ကူကူ မရနိုင်ပါဘူး။
ဘယ်တော့ရနိုင်မလဲ.. ဆိုရင်..
" အကြောင်းညီညွတ် " လို့ ရှိရင်တော့ တစ်စက္ကန့် ၊ တစ်မိနစ်အတွင်း မှာ ပဲ ဉာဏ်ပေါ်နိုင်ပါတယ်။ ဒီ ဉာဏ်ပေါ်နိုင်အောင်လို့ "သတိ" ကသာ ခေါ်ယူနိုင်မှာပါ။ ဒါပေမဲ့ ဒီ "သတိ" ကလည်း ဉာဏ်ကို ခေါ်နိုင်တဲ့ "သတိ" ဖြစ်ဖို့ တော့လိုပါတယ်။ တချို့ ကလည်း " သတိ" နဲ့ နေရတာကို ကျေနပ်နေကြတဲ့ သူတွေလည်းရှိပါတယ်။ အဲဒီလို ကျေနပ်နေတဲ့ သူတွေကျပြန်တော့ ဘယ်လောက် သတိရှိရှိ ဉာဏ်မပေါ်နိုင်ပြန်ပါဘူး။
အကျဉ်းချုပ်ရရင်တော့...
အာရုံ ကို လိုက်ကြည့်နေတာဟာ..လောဘ။
ပေါ်လာတာကိုပဲ စောင့်ကြည့်တာက.. သတိ။
အဲဒီလို ဖြစ်တိုင်းသိနေတာက...
" ဉာဏ် "လို့ သာ မှတ်ပါ။
သတိ နဲ့ သာ စောင့်ကြည့်နိုင်လေ၊ ဂရုစိုက်နိုင်လေ " ဉာဏ် " ပေါ်လေပါပဲ။
ဒီတော့ မပင်ပန်းအောင် ဘယ်လို တရားရှုမှတ်ရမလဲ ဆိုတော့..
အရင်က ရှုမှတ်တုန်းကလို...
လိုက်ပြီး ရှုနေတာမျိုး၊
လုပ်ပြီး ရှု နေတာမျိုး မလုပ်တော့ပဲ နဲ့  မိမိကိုယ် ကို အသာလေးသက်တောင့်သက်သာနေရင်း....
ထင်ရှားလာတဲ့ အာရုံ တွေကို လိုက်မှတ်မနေတော့ပဲ၊ ကြည့်ပြီး သိရုံမျှလေး ဆိုတဲ့ သဘောလောက်သာ နေကြည့်လိုက်ပါ။ အင်မတန်မှ သက်သာပါတယ်။ ပင်ပန်းမှု မရှိတာ သိလာမှာပါ။ ပြီးတော့ တိုးတာ၊ ထိတာတွေ ဟာ နဂိုအတိုင်းလည်း ပေါ်နေပါတယ်။ပေါ်နေတာကိုတွေ့ လည်း တွေ့ နိုင်မှာပါ။
အဲဒီလို ရှုမှတ်နိုင်ရင်တော့ တရားအားထုတ်ရင်းဖြစ်တတ်တဲ့ မောတာပန်းတာတို့ ၊ အသက်ရှု ကြပ်လာတာတို့ ၊ စိတ်လွင့်တာတို့ စတဲ့ အခက်ခဲတွေ ပပျောက်ပြီး အလွယ်တကူ ရှုနိုင် ၊ မှတ်နိုင်မှာ ဖြစ်တဲ့အတွက် "မပင်ပမ်းတဲ့ တရားအားထုတ်နည်း" ဆိုတဲ့ ဒီစာစုကို ဖေါ်ပြကုသိုလ်ပြုလိုက်ပါတယ်။
( ခန္ဓာ-၅ပါးတစ်ဦး )
••••••••••••••••••••••••••••••••••
လက်ကိုင်ဖုန်း ဖြင့် စာစီရခြင်းဖြစ်သည့်အတွက် သတ်ပုံမှားယွင်းမှုများ တွေ့ ရှိပါက သည်းခံခွင့်လွှတ်ပြီး ပြင်ဆင်ဖတ်ရှုပေးပါရန် မေတ္တာရပ်ခံပါသည်။(ခန္ဓာ-၅ပါးတစ်ဦး)
ကိုးကား-ဓမ္မဒူတ ဆရာတော်အရှင်ဆေကိန္ဒ ရဲ့ ဝိပဿနာသင်တန်းအမေးအဖြေများထဲမှ ကောက်နှုတ်ပြီး ဖေါ်ပြပါသည်။