Today is the day | 5% For SL-Charity

ආදරණීය ප්‍රිය ක්‍රිඩාලෝලි හිතවතුනි අද තමයි දිනන දවස. අවුරුදු ගාණකට පස්සේ ශ්‍රී ලංකා ක්‍රිකට් කණ්ඩායම තරගාවලියක් සම තත්වෙට පත්වෙලා තියුණු අවසාන තරගයක් සදහ තරග කිරිමට සුදානමින් ඉන්නවා. ඒ අනුව ශ්‍රී ලංකාව සහ දකුණු අප්‍රිකාව අතර තරග 03කින් සමන්විත එක්දින තරගාවලියේ අවසන් තරගය අදයි. මේ වන විට කණ්ඩායම් දෙකම 1-1 ක් ලෙස සම තත්වයේ පසුවෙනවා.

Source

ශ්‍රී ලංකා කණ්ඩායමට අද තරගය ඉතාමත් වැදගත් තරගයක්. මොකද, ශ්‍රී ලංකා කණ්ඩායමට තවමත් මේ වසර තුළදි එක්දින තරගාවලි ජයක් ලබාගැනිමට නොහැකි වූ නිසාවෙනි. ඒ වගේම ඔවුන් මේ වන විට ජයග්‍රහණයේ ආසන්නයට ඇවිත් තිබෙන නිසා මෙයයි ඒ සදහා හොදම අවස්ථාව. ශ්‍රී ලංකා කණ්ඩායම 2019 වසරේදි බටහිර ඉන්දීය කොදෙව් කණ්ඩායමට එරෙහිව ලබාගත් එක්දින තරාගාවලි ජයග්‍රහණයෙන් පසුව තවමත් එක්දින තරගාවලි ජයක් ලබාගෙන නෑ. ඒ වගේම මේ තරගාවලි ජයග්‍රහණය ශ්‍රී ලංකා කණ්ඩායමට තවත් විශේෂ වෙන්නේ, මෙම තරගාවලිය ජයගතහොත් එය ශ්‍රී ලංකා කණ්ඩායම වසර 08කට පසුව දකුණු අප්‍රිකාණු කණ්ඩායමට එරෙහිව ලබාගන්නා තරගාවලි ජයග්‍රහණය වෙනවා.

ඉන්දියානු තරගාවලියෙන් පසුව පිවිසි ශ්‍රී ලංකා කණ්ඩායම දකුණු අප්‍රිකාණු තරගාවලියේ පැවති පළවෙනි තරගයෙන්ම ලකුණු 300ක් ලබාගෙන දක්ෂතා පෙන්නුවේ, මේ වන විට අප රටට සිටින මේ නවක කණ්ඩායම දක්ෂතා අතින් ඉහළම තැනක ඉන්නවා යන්න අගවමින්ය. කෙසේ නමුත්, දෙවෙනි තරගය පරාජය වුනේ තුන් ඉරියව්වෙන්ම කැපි පෙනෙන තරම් දක්ෂතාවක් නොපෙන්නු නිසාවෙනි.

බොහෝ දෙනෙකුගේ මතය වනුයේ අද තරගය සදහා මිනෝද් භාණුක වෙනුවට දිනෙෂ් චන්දිමාල් ක්‍රිඩා කරනු ඇති බවයි. මක්නිසාදයත් ඔහු පසුගියදා පැවති ශ්‍රී ලංකා ක්‍රිකට් ආරාධිත පන්දුවාර 20 තරගාවලියේදි නැවතත් දක්ෂතා අතරට පැමිණි නිසාවෙනි. ඒ වගේම බොහෝ දෙනෙකුගේ බලාපොරොත්තුව වුනු භාණුක රාජපක්ෂ පසුගිය තරග දෙකෙදිම අසාර්ථක වීම නිසා, ඔහු වෙනුවට කමිදු මෙන්ඩිස් ආදේශ වෙන්න පුලුවන්.

කොහොම නමුත් අපි හැමෝගෙම බලාපොරොත්තුව වෙන්නේ හොද තරගයක් දීල මේ තරගාවලිය ශ්‍රී ලංකා කණ්ඩායම ජයග්‍රහණය කරන එකයි. ඒ වගේම මෙම තරගාවලිය ශ්‍රී ලංකා කණ්ඩායම ජයග්‍රහණය කළොත් ඔවුන් 2023 දී පැවැත්වීමට නියමිත ලෝක කුසලාන ක්‍රිකට් තරගාවලියේ සුපර් ලීග් ප්‍රසාද ලකුණු සටහනෙ 05 වෙනි ස්ථානය ලබාගැනිමට සමත් වෙනවා. ඉතිං මේ තරගය එහෙනම් අපි හැමෝටම සුවිශේෂී/වාසනාවන්ත තරගයක් වෙන්න කියලා මම ප්‍රාර්ථනා කරනවා. ❤️